是咁的，朋友A同B一直搞地下情...
唔係，應該係話女方其實想公開確定關係，但係明顯男方又唔想，一搞就搞咗就黎一年。當然，男方用咗啲咩藉口同女方解釋我就唔清楚，只係聽講過女方情緒大起大落。咁岩前排我同男方飲野，就諗住chok下佢幾句。利申：雙方都唔知道我知佢哋嘅事
我：而家有無女朋友呀？
他：無呀
我：無?我唔信.. 係咪太多揀唔到..哈哈..快啲揀一個定落黎啦
他：我都想定落黎㗎，不過未遇到
我：如果因為寂寞而掛住同啲唔合適嘅人一齊而解悶，你會錯失真係啱嘅嗰一位
他：你都啱...所以我都有一邊玩一邊搵㗎...哈哈
以呢個過案黎睇，男方其實已經擺明車馬未ready，純粹願者上釣。我唔可以話男方錯晒，佢一早已經講明條件，而女方自己仲要盲舂舂沖埋去，咁就真係無人幫到你。
愛情嘅錯同賤一樣，都係明知故犯。分別係有啲人犯咗錯之後會醒；有啲人卻會為同一個人或者同一件事自甘作賤，越犯越錯，越錯越犯，直到最後錯無可錯，先醒覺原來早就已經成為” 腳下那堆爛泥”。 當你作為朋友好想將佢從水深火熱拉返佢出嚟嘅時候，你會發現每個犯賤嘅人都有佢嘅大條道理，又話要答案又要喊又要情緒化，但係根本就由始至終都無將你嘅說話聽入去，你再煩多佢幾次佢自己心裏有鬼，佢反而索性會避開你，因為佢哋只想聽自己想聽嘅答案。其實如果一個男人真係愛你，第一樣會做嘅就係會承認你，然後公開拖住你。
唉，作為朋友，希望你終有一日會清醒。
*其實對話純粹半虛構，受傷的人卻係真人真事
#明知故犯 #女人像鹽
Search